АҞӘА, рашәара 30 - Sputnik. Аԥсны ахада Аслан Бжьаниа аковидҿагыларатә усқәа рырӷәӷәаразы аусдҵа инапы аҵеиҩит ҳәа аанацҳауеит ахада ипресс-маҵзура.
Адокумент инақәыршәаны ԥхынгәы 5, 2021 шықәса инаркны рзин ҟаҵам ачарақәа, аныҳәақәа, аԥсхәратәи егьырҭ ауснагӡатәқәеи иарку ауаажәларратә крыфарачаратә хыбрақәа рҿы.
Рашәарамза инаркны Аԥсны коронавирус зыхьуа рхыԥхьаӡара иацло иалагеит, ахәышәтәырҭақәа ирыдҵаало рацәахеит.
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 17197-ҩык ыҟоуп, ргәы бзиахеит 15438-ҩык, рыԥсҭазаара иалҵит 245-ҩык.
Иара убас шәаԥхьар ҟалоит:
- Агәабзиарахьчара аминистр Аԥсны заҟаҩ алаҵа рзыҟаҵоу атәы иҳәеит