АҞӘА, ԥхынгәы 7 - Sputnik. Аԥсны агәабзиарахьчара аминистр Едуард Быҭәба Гәдоуҭатәи аковид-хәшәтәырҭа даҭааны игәеиҭеит аамҭала аус зымуа акомпиутертә томограф ахьыҩнагылоу ауада ҳәа аанацҳауеит агәабзиарахьчара аминистрра асаит.
Иазгәаҭоуп аппарат аусура макьана ишырзаламырго атехникатә мзызқәа ирыхҟьаны. Аха хара имгакәа ари ахәшәтәырҭаххь иаараны иҟоуп аус здыруа аҟазауаа, урҭ иагу гәаҭаны акомпиутертә томограф аусура иаладыргароуп.
Иахьатәи аамҭазы Гәдоуҭатәи ахәшәтәырҭаҿы акоронавирустә инфекциа рыланы аҽыхәшәтәра иаҿуп 101-ы чымазаҩ, урҭ рахьтә 30-ҩык инареиҳаны рҭагылазаашьа бааԥсуп.
Агәабзиарахьчара аминистр иажәақәа рыла, аковид-хәшәтәырҭаҿы макьана даҽа ҟәшак аартра аҭахны иҟаӡам, макьана иҟоу азхоит. Аха иаҭаххаргьы, иҵегьы аҟәшақәа аадыртуеит, уахь аҳақьымцәа рыбригадақәагьы нарышьҭуеит.