АҞӘА, ԥхынгәы 8 - Sputnik. Гәдоуҭатәи ахәшәтәырҭаҿы акомпиутертә томограф аусура иалагеит, абри атәы Facebook идаҟьаҿы иҩит Аԥсны агәабзиарахьчара аминистр Едуард Быҭәба.
Иазгәаҭоуп, раԥхьа инаргыланы акомпиутертә томограф ала агәаҭара ишахрыжьуа астационар аҟны зҽызыхәшәтәуа ачымазаҩцәа.
Аԥсны агәабзиарахьчара аминистр иҭабуп ҳәа реиҳәеит аппарат аиҭашьақәыргыларазы ацхыраара ҟазҵаз зегьы.
Ԥхынгәы 7 рзы Гәдоуҭатәи аковид-хәшәтәырҭа акомпиутертә томограф аҟны апрограмматә еиқәыршәара ҿыц шьақәзыргыло Белоруссиантәи аҟазацәа аппарат аус адуланы иаҿаркит.