АҞӘА, ԥхынгәы 22- Sputnik. Акьыбачымазаратә центр аҿы COVID-пациентцәа рзы 40 ҭыԥ рхиахоит иаҭахханы иҟалозар, абри атәы иҳәеит Агәабзиарахьчара аминистр Едуард Быҭәба Ашәарҭадаратә хеилак аилатәараҿы.
Аминистр иазгәеиҭеит ареспублика амедусҳәарҭақәа рҿы аиара-ҭыԥқәа ишрыцҵатәу аҿкы алаҵәара ӷәӷәа иахҟьаны.
Аоперштаб аҵыхәтәантәи адыррақәа рыла аковид центр- Гәдоуҭатәи агоспиталь иҭоуп 188-ҩык, араионтә хәышәтәырҭақәа зегьы рҿы иаартуп аковид-ҟәшақәа. Иахьа еилкаахеит Аԥсни Урыстәылеи реилацәажәарала арратә мобилтә госпиталь шаагахо.
Аилацәажәараҿы иазгәаҭан аҳақьымцәа рылшарала ахәшәтәра еиҳа ирццакхо ишалагаз.
Ахада аԥыза-министр инапы ианиҵеит хара имгакәа Акоординациатә хеилак аилатәара мҩаԥганы аԥкратә уснагӡатәқәа реиқәыршәаразы ажәалагалақәа аздырхиарц.