АҞӘА, ԥхынгәы 26 - Sputnik. Аԥсны Апарламент адепутатцәа афымцамч зҭагылоу ауадаҩрақәа инарыдҳәаланы атәыла ахада иахь ааԥхьамҭа "ауаажәларреи аҳәынҭқарреи рзы ихрам аҟазшьа змоу аенергетикатә усхк аҟны акризис" ақәҵара рыдрымкылеит.
Адокумент инақәыршәаны адепутатцәа абжьгара ҟарҵон:
- Нанҳәа 1 2021 шықәсанӡа ахада адҵа ҟаиҵарц акриптовалиута арҳаразы амаинерцәа апроваидерцәа аинтернет ресурсқәа рырмҭаларц;
- Афымцамч усхк, ауаажәларра, аҳәынҭқарра аматериалтә ԥхасҭа рыҭаразы аҳәынҭнапхгараҭара аусбарҭақәеи урҭ рнапаҵаҟа иҟоу аиҿкаарақәеи, аусҳәарҭақәеи афымцамчусхк аҟны аҭакԥхықәра раҵаргыларазы ауснагӡатәқәа идикыларц;
- Аминистрцәа реилазаара жәамш рыҩныҵҟа Апарламент иазынарышьҭыр ауп Урыстәыла аҿаԥхьа афымцалашара аиуразы иҟоу ауал ашәаразы афинанстә хыҵхырҭақәа рзы аинформациа, иара убасгьы ԥхьаҟатәи ҭагалан-аӡын азтәи алашараиуразгьы;
- Апрокуратура нанҳәа 1 2021 шықәсазынӡа имҩаԥнагароуп "Амшынеиқәафымцамчи" анапаҵаҟа иҟоу аусбарҭақәеи русураз акомплекстә гәаҭара;
Апарламент жәамш рыҩныҵҟа иазнархиароуп амаҵзурауааи аҽа хаҿқәаки Аԥсны азакәанԥҵара массала аилагареи, иара убасгьы ауаажәларреи аҳәынҭқарреи рзы иҵоурам аҟазшьа змоу афактқәеи рыҭҵаара.
Иара убас шәаԥхьар ҟалоит: