АҞӘА, нанҳәа 4 - Sputnik. Атрансформатор ҿыц ықәдыргылоит астанциа маҷ "Бзыԥ" аҿы ҳәа аанацҳауеит АУН "Амшынеиқәафымцамч" апресс-маҵзура.
Атрансформатор адкылареи ақәыргылареи рзы аусурақәа ирылагахьеит. Абри ашьҭахь астанциа маҷ амчхара 126 мегаватт аҟынтәи 250 мегаватт ихалоит.
Атрансформатор ҿыц ақәыргылара акыр еиӷьнатәуеит Гәдоуҭеи Гагреи араионқәа фымцалашарала реиқәыршәара.
Ахархәага ҿыц ақәыргылареи аусура аларгареи ҩымз рҟынӡа иадхалоит.
"Бзыԥ" аиҭашьақәыргылара мҩаԥысуеит 2020-2022 шықәсазтәи Аинвестпрограммеи Аԥсны аенергетика аҿиараз апрограммеи рҳәаақәа ирҭагӡаны.
Астанциа маҷ аҟны имҩаԥырго аусурақәа 543,9 миллион мааҭ рҟынӡа итәоит.
Уаанӡа ара иқәдыргылахьан атрансформатор 125 мегаватт иҟаз, 145 миллион мааҭ иаԥсаз – атрансформатор 63 мегаватт иҟаз аҭыԥан.