АҞӘА, нанҳәа 6 - Sputnik. Афымцацәаҳәа "Аҽгәара" авариатә аанкылара мҩаԥысит асистема ианырыз ахьанҭара иахҟьаны ҳәа адырра ҟанаҵоит "Амшынеиқәафымцамч".
Лашарада иҟоуп Аԥсны Мраҭашәаратәи ахәҭеи Мрагыларатәи раионқәаки ҳәа Sputnik иазеиҭарҳәеит аилахәыра апресс-маҵзураҿы.
Иазгәарҭеит авариа ахьыҟалаз аҭыԥ ахь аремонттә бригадақәа шнеихьоу.
Аенергетикатә усхк азы астратегиатә ҟазшьа змоу авольтҳарак-цәаҳәа "Аҽгәара" аремонт аҭахны иҟоуп. Уи азы амаҭәахәқәа реиҳарак ареспубликахь иаашьҭуп.