Нанҳәа 15-16 руыха Аҟәа илеиз ақәаршҩы иахҟьаны метраки бжаки рҟынӡа Басла шьҭыҵит. Аӡы рнылт: Ҷанба, Шьеглова, Шотландиатәи, Ашәхәаҵаа, Аконфедератцәа, Ак. Марр, Бегәа амҩақәа, Аминистрцәа реилазаареи Аԥсны ААРи рыкәша-мыкәшеи.
Аԥсны АҶА аусзуҩцәа аӡы зҵалаз аҩнқәа рҟынтәи ауаа ахыргеит.
Аҵыхәтәантәи аамҭа аҩнуҵҟала хынтәуп абри аҩыза аҭагылазаашьа ҟалоижьҭеи.
Ԥхынгәы 27 азы илеиз ақәаршҩы иахҟьаны аӡиасқәа хыҵит, ааигәа-сигәа инхоз рыҩнқәа ирыҵалеит, Аҟәеи Гәылрыԥшь араиони руааԥсыра ӡыда иҟан аӡыҭгагатә станциа ааха ахьаиуз азы.
Ԥхынгәы 4 азы иҟаз аԥшатлакәи иауз ақәаршҩи ареспублика араионқәа ааха ӷәӷәа рнаҭеит.