АҞӘА, нанҳәа 21 - Sputnik. Аԥсны иҟалаз амшцәгьа 80 миллион мааҭ рыхә аԥхасҭа ҟанаҵеит ҳәа аҳәамҭа ҟаиҵеит ахада имҩаԥигаз аилатәараҟны аԥыза-министр Александр Анқәаб.
Зыӡбахә рымоу ԥхынгәы 4, 26-27, нанҳәа 16 рзы иҟалаз амшцәгьақәа рыхҟьаԥҟьақәа роуп.
Иазгәаҭоуп ара ишалам иблыз аҩнқәа хԥеи иԥхасҭахаз амашьынақәа 19-и.
Анқәаб иажәақәа рыла, амшцәгьа иахҟьаны 231 ҩни 242 ргылареи ааха роуит. Иҟалаз аԥхасҭа иааидкыланы шаҟа ақәхарџьтәу макьанагьы аԥхьаӡара иаҿуп.
Ааха ироуз ахәԥса рзыршәахьеит Гәылрыԥшь араион анхацәа, зеиԥшла иуԥхьаӡозар, ԥшь-миллион мааҭк инареиҳаны.