АҞӘА, нанҳәа 23 - Sputnik. Аԥсны азхаҵара амш инадҳәаланы, Аҟәа имҩаԥысит есышықәсатәи анапылампыл асразы иаарту Ареспубликатә турнир ахацәа рыбжьара. Абри атәы аанацҳауеит Аԥсны аҳәынҭқарратә аспорт еилакы.
Атурнир аихшьаалақәа рыла аԥхьахә ҭыԥ иаԥсахеит Аҟәа ақалқь акоманда, аҩбатәи аҭыԥ Ҷлоу, ахԥатәи аҟәатәи акоманда "Спартак". Аӡбаҩ хадас дыҟан Аслан Ҭырқьба.
Аҟәа имҩаԥысит есышықәсатәи анапылампыл асразы иаарту Ареспубликатә турнир ахацәа рыбжьара
Атурнир аҟны иреиӷьу ахәмарҩцәа ҳәа иалкаан Ҭемыр Гәниа (Аҟәа акоманда), Борис Ҷан-оглы (Ҷлоу акоманда), Данил Џьниа(Аҷандара акоманда), Нестор Касланӡиа(аҟәатәи "Спортак").
Акомандақәа иранашьан амедалқәеи, аграмотақәеи, ахраҿақәеи. Иалкаахаз агәаларшәагатә ҳамҭақәа рыҭан.
Аицлабра еиҿыркааит аҿари аспорт русқәа рзы Аԥсны аҳәынҭқарратә аспорт еилакыи Аԥсны анапылампыл азы афедерациеи.