АҞӘА, нанҳәа 28 - Sputnik. Аԥснытәи акоманда иҷыдоу адҵа нагӡаны ашьха ӡиас Терскол ирит жәларбжьаратәи аконкурст "Елльбрустәи амацәаз" аҳәаақәа ирҭагӡаны, абри атәы аанацҳауеит Аладатәи арратә округ апресс-маҵзура.
Урыстәылатәи акоманда зегь ираԥнагеит Терскол аӡиас арраҿы, иара убри алагьы арекорд ҿыц шьақәнаргылеит. Ари аԥышәара ф-минуҭки хә-секундки рыла, ҵыԥхтәи раамҭа минуҭк ала иеиҳан.
Урыстәылатәи акоманда аӡиас ишыруа
© Foto / пресс-служба ЮВО
Аҩбатәи аҭыԥ ааннакылеит Узбекистан акоманда, урҭ раамҭа ф-минуҭки 28 секунди артәеит, ахԥатәи - Индиа, быжь-минуҭки ҩ-секундки рыла.
Аԥснытәи акоманда ахаҭарнак
© Foto / пресс-служба ЮВО
Аицлабра алахәылацәа аруааи аинстуркторцәеи ишырбоз ашьха ӡиас урызго аперилақәа хырҵеит, анаҩс ахыхьчага шахақәа хшьны арра иалагеит. Аӡәы ирра 10-15 секунд агон.
Ари адҵа акыр иуадаҩын ҳәа дахцәажәоит аконкурс иалахәыз Даниил Филлипов, избан акәзар ашьха ӡиас уамакала ихьшәашәоуп, иаӷьны иаауеит, насгьы аԥанқәа амоуп.