АҞӘА, нанҳәа 29 - Sputnik. Амшын еиқәа афлот Аладатәи арратә округ арадиациатәи, ахимиатәи, абиологиатәи ахьчара архәҭа аҟазауаа Аԥсны арзҩыдарақәа ирыцырҵуеит, Аҟәеи Гагреи аргыларақәеи ахыбрақәеи рыҟны. Абри атәы аанацҳауеит Аԥсны иҟоу Урыстәылатәи ацҳаражәҳәарҭа Facebook ахатәы даҟьаҿы.
Аҟәеи Гагреи аргыларақәеи ахыбрақәеи арзҩыдара рзыруеит
© Foto / Facebook/Посольство России в Абхазии
Иазгәаҭоуп, анаҩстәи арзҩыдарақәа шымҩаԥгахо атәылаҟны акыр зҵазкуа ахыбрақәеи асоциалтә ргыларақәеи рыҟны.
Уаанӡа аруаа Гәдоуҭа 120 нызқь ԥшьаркца ирыҵаркуа аргыларақәеи ахыбрақәеи дырзҩыдеит, иара убас Гагра 40 нызқь ԥшьаркца.
Амшын еиқәа афлот Аладатәи арратә округ арадиациатәи, ахимиатәи, абиологиатәи ахьчара архәҭа Аԥсныҟа иааит нанҳәа 18 рзы, асанитар епидемиологиатә ҭагылазаашьа аиӷьтәразы ацхыраара аҟаҵара.