АҞӘА, нанҳәа 29 - Sputnik. Аподстанциа Тҟуарчал ГРЭС ахала ахьчага аус ахьауз иахҟьаны Аԥсны ахәҭак лашарада иаанхеит. Уажәтәи аамҭазы афымцалашара зехьынџьара ишьақәыргылоуп, абри атәы аарыцҳауеит "Амшынеиқәафымцамч" апресс-маҵзура.
Лашарада иаанхеит Гагреи Гәдоуҭеи рраионқәеи Аҟәа араион ахәҭаки, аҳҭны қалақь агәыи мраҭашәаратәи ахәҭеи.
Нанҳәа 19 рзы Аԥсны ахәҭа еиҳарак сааҭбжак лашарада иаанхеит, ВЛ Очамчыра-220 аподстанциеи Ткуарчал ГРЭС рыҟны иҟалаз амашәыр иахҟьаны.