АҞӘА, нанҳәа 30 - Sputnik. Аԥснытәи акоманда Баксан ашьха ӡиа ирит, жәларбжьаратәи аицлабра аҩбатәи ахәҭа "Ельбрустәи амацәаз" аҳәаақәа ирҭагӡаны. Абри атәы аанацҳауеит Аладатәи арратә округ апресс-маҵзура.
Урыстәыла ишьақәнаргылеит арекорд ҿыц, ари аԥышәара иахысит 6 минуҭки 48 секундыи рыла, уи алагьы ҵыԥх Узбекистан акоманда ишьақәнаргылаз арекорд 8 минуҭки 20 секунди рыла иаԥныргеит.
Аԥснытәи акоманда "Ельбрустәи амацәаз" аицлабра аҟны
© Foto / пресс-служба ЮВО
Аҩбатәи аҭыԥаҿ игылоуп Узбекистан акоманда, урҭ рлыҵшәақәа 7 минуҭки 19 секунди. Казахстантәи акоманда акәзар ашьха ӡиа ирыит 8 минкҭки 25 секунди рыла , уи алагьы ахԥатәи аҭыԥаҿ игылоуп.
Аррамаҵурауаа, ҩ-шахак наҟ-ааҟ ирықәгыланы ҩ-шахак хыхьла икны ашьха ӡиа ирыр акәын.
Аицлабра аҩбатәи ахәҭа "Ельбрустәи амацәаз" абаллқәа рыԥхьаӡара мҩаԥгахоит Ельбрус шә-километрак ианахыслак ашьҭахь.