АҞӘА, цәыббра 19 – Sputnik. Аԥсны иахьаҵанакуа иаадыртыз алхырҭатә ҭыԥқәа рҿы цәыббра 19 асааҭ 12:00 рзы рыбжьы арҭахьан 4387-ҩык алхыҩцәа. Абри атәы аанацҳауеит Аԥсны иҟоу Урыстәыла Ацҳаражәҳәарҭа.
Мандатктәи алхырҭатә округ иадҳәалоу аҭыԥқәа аартуп Аҟәа, Гагра, Пицунда, Гәдоуҭа, Бамбора, Очамчыра, Тҟәарчал, Гал.
Абжьыҭара рхы аладырхәыр рылшоит Аԥсны инхо, 18 шықәса зхыҵхьоу Урыстәыла атәылауаа, иара убасгьы абжьыҭара амш азы ара аамҭала иҟоу. Абжьыҭаразы иумазароуп аҩнуҵҟатәи ма аҳәаанырцәтәи урыстәылатәи атәылауаҩшәҟәы.
Рыбжьқәа арҭахьеит Аԥсны ахада Аслан Бжьаниеи аԥыза-министр Александр Анқәаби.
Аԥсны иахьаҵанакуа абжьыҭаратә ҭыԥқәа жәба рыҟны рышәқәа аартуп асааҭ 20:00 рҟынӡа.