АҞӘА, цәыббра 20 – Sputnik, Бадри Есиава. Таитәи абокс азы Аԥсны еизгоу акоманда Краснодар ахԥатәи аҭыԥ ннакылеит азеиԥшкомандатә зшьаҿы ҳәа Sputnik иазеиҭеиҳәеит таитәи абокс азы Аԥсны Афедерациа ахада Тимур Гьергьедаа.
"Аԥсны еизгоу акоманда иалахәын 27-ҩык. 12 хьтәы медали, 6 разны медали, аџьаз иалху хԥеи ҳанашьахеит, акомандатә зшьаҿы ахԥатәи аҭыԥ наҳкылеит. Акоманда алахәылацәа зегьы аклуб "Георгий Победоносец" иааӡамҭацәоуп", – иҳәеит иара.
Атурнир аҿы иреиӷьу ҳәа иалыркааит Амҷба Давиди Иракли Кастандиани.
Цәыббра 17 - 19 рзы Краснодар имҩаԥысуаз аицлабрақәа ирылахәын 300 спортсмен Шәача, Анапа, Тҟәаԥс, Ростов-на-Дону, Новороссиск, Адыгеиа, Ҟрым, Аԥсны рҟынтәи.
Таитәи абокс азы Аԥсны еизгоу акоманда Краснодар ахԥатәи аҭыԥ ргеит
© Foto / Тимур Гергедава