АҞӘА, цәыббра 22 - Sputnik. Гагра араиони Гәдоуҭа араион ахәҭаки цәыббра 22 азы лашарада иаанхеит астанциа маҷ "Бзыбь" аҟны иҟалаз авариа иахҟьаны, абри атәы аанацҳауеит "Амшынеиқәафымцамч".
Авариа ахьыҟалаз ахь инеиит "Амшынеиқәафымцамч" аремонттә бригадақәа.
Астанциа маҷ "Бзыбь" аиҭашьақәыргылара Аинвестпрограммала 2020-2022 шықәсқәа рзы имҩаԥыргараны иҟоуп, аусурақәа азеиԥш хәыԥса 543,9 миллион мааҭ итәоит.
Уаанӡа ара иқәыргылан атрансформатор 125 мегаватт иҟаз, 145 миллион мааҭ иаԥсаз, иԥсахын убри аан атрансформатор 63 мегаватт иҟаз.