АҞӘА, цәыббра 27 – Sputnik, Асмаҭ Ҵәыџьԥҳа. Аԥсны аквалификациатә Коллегиа еицҿакрыла аӡбамҭа рыдыркылеит Манана Делԥҳа Иреиҳаӡоу аӡбарҭа ахантәаҩы иҭыԥ аҟынтә ԥхьатәара дцарц.
Ԥхьатәара ацара иаанагоит Иреиҳаӡоу аӡбарҭа ахантәаҩы изинмчрақәа рышьҭаҵара.
Аӡбра рыдыркылеит Аԥсны Аҳәынҭқарра Аконституциатә закәан "Аӡбаратә мчразы" ахәҭаҷ 131, ахәҭа 1; ахәҭаҷ 130 ахәҭа 1 рышьаҭала.
Аԥсны аквалификациатә Коллегиа Делԥҳа лусуразы ҭабуп ҳәа ларҳәеит, агәыӷрагьы аадырԥшит лзанааҭтә дыррақәа ԥхьаҟа ахархәара шроуазы.
Манана Делԥҳаа 2018 шықәсазы Иреиҳаӡоу аӡбарҭа ахантәаҩыс Апарламент аҿы далхын, ҿҳәарас ҳәа жәашықәса лыманы.