АҞӘА, жьҭаара 3 - Sputnik, Бадраҟ Аҩӡба. Аԥсуа боксиор Ерик Мықәба даԥсахеит Адунеизегьтәи абоксиортә еилазаара ачемпионтә титул WBL, Москва цәыббра 26 рзы имҩаԥысыз абокс азҟазаҩцәа рыхәылԥаз аҟны.
Жәа-раундк рыла ишьақәгылаз зыкапан бжьаратәыз 21 шықәса зхыҵуа Ерик Мықәба аиндаҭлара мҩаԥигеит 26 шықәса зхыҵуа Буденновскынтәи аспортсмен Карен Карамиан иҟны.
Актәи араунд аҟны аиндаҭлаҩцәа еиҟаран, аха анаҩс Карамиан аҭачкәым иҽацәихьчо далагеит. Анаҩстәи араундқәа рҿы Ерик дзындаҭлоз имчқәа еиҳа икәадахон.
Ахԥатәи араунд ашьҭахь, уаҳа аиндаҭлара иацимҵаӡеит, иҳәеит дшаҵахаз.
Уи алагьы Ерик Мықәба даԥсахеит Адунеизегьтәи абоксиртә еилазаара ачемпионтә титул WBL. Ари аԥсуа спортсмен изы аҩбатәи иааироуп.