Аҳәаанырцәынтә Урыстәылаҟа ихынҳәуа атәылауаа рзы аԥҟарақәа ԥсахуп

Мшаԥымзазы Роспотребнадзор аӡбрала аҳәаанырцәынтә аҩныҟа ихынҳәуа урыстәылаа COVID-19 азы ПЦР-тест арҭон, Атест аҭак аҳәынҭқарратә маҵзурақәа иаку рпортал аҿы иркьыԥхьуан.
Sputnik
АҞӘА, жьҭаара 10-Sputnik. Жьҭаара 8 инаркны аҳәаанырцәынтә Урыстәылаҟа ихынҳәуа атәылауаа рзы аҳәынҭмаҵзураҿы анкетақәа рхарҭәаара  аԥҟарақәа ԥсахуп, абри атәы аҩуеит Урыстәыла атуроператорцәа Рассоциациа.
АТОР аҟны Аԥснынтәи зыԥсы шьаны Урыстәылаҟа ихынҳәуа ирԥеиԥшу еилыркаауан
Иазгәаҭоуп, арзаҳалқәа рыԥшра аԥсахра анаҩс, уаҟа иарбаз ихадаратәыз асиа аиҭакрақәа шрызуз.
Аҳәынҭқарратә маҵзурақәа иаку рпортал аҿы анкета нхарҭәаахалак ашьҭахь ауаҩы иҭахоит QR-код, уи аҳәаа ахысраан агәаҭаратә-аушьҭырҭатә пункт аҟны хымԥада идырбатәуп. 
Аҳәаанырцәынтә Урыстәылаҟа игьежьуа атәылауаҩ икьыԥхьроуп зыҿҳәара нымҵәац аҳәаанырцәтәылауаҩшәҟәы (асериа, аномер, изҭаз), иара убас иҭел. Иаку апортал ахь уажәшьҭа афотоқәа рҭагалара аҭахым, уи азы ауадаҩрақәа зызцәырҵуаз рацәан, рҳәоит АТОР аҟны.
Аҳәынҭмаҵзура асаит аҿы аформа анҭоугалалак амаҵзура шуоуз азы адырреи Роспотребнадзор аусзуҩцәа дырбаразы QR-коди урҭоит.