АҞӘА, жьҭаара 12 - Sputnik. Аԥсны ААР анаркотикқәа реикәыршара ахылаԥшразы Аусбарҭа аусзуҩцәа дааныркылеит Аԥсныҟа анаркотикқәа рацәаны иаазгоз Иван Лукичев. Абир атәы аанацҳауеит аусбарҭа асаит.
Иара идбалан 88 грамм аметамфетамин. Лукичев иҳәеит Аԥсны аҭиразы анаркотикқәа Шәача ишааихәаз.
Лукичев аоперативникцәа мчыбжьык аҩнуҵҟа ишьклаԥшуан. Аԥхьанатә изышьҭаз Шәача инхо Павел Кротов цәыббра 3 азы даанкылан. УКОН аиҳабы Асҭамыр Ԥачалиа иажәақәа рыла Кротов ареспубликаҿы аҵәахырҭа маӡақәа рҿы анаркотикқәа шьҭеиҵон. Ари аус аҽа хаҿыкгьы дшалахәыз шьақәыргылан.
Лукичев данааныркыла ашьҭахь УКОН аусзуҩцәа Гәылрыԥшь араион Мархьаул ақыҭаҿы ирыԥшаати 5 граммк аметадона, х-ҵәахырҭак рҿы.
Аметамфетамин аҽа партиак аарԥшын Гагра араион аҿы. 86 грамм анаркотик зыргылара хыркәшам атоннель аҿы иҵәахын.
Ашьаус хацыркуп закәаншьаҭада анаркотикқәа раахәара, рымҩангара, рыҭира рзы.