АҞӘА, жьҭаара 13 - Sputnik. Аԥсны акультура аминистр Гудиса Агрба иҳәеит Акоординациатә штаб акультура аусҳәарҭақәа русура аиҭахацыркра азҵаара иахәаԥшуеит ҳәа.
"Ишыжәдыруа еиԥш акультура аусҳәарҭақәа русура аанкылоуп акоронавирус апандемиа иахырҟьаны. Хара имгакәа Акоординациатә штаб акультура аусҳәарҭақәа русура аиҭахацыркра азҵаара иахәаԥшуеит, ҳгәыӷлап хара имгакәа ҳусурақәа ҳарзыхынҳәып ҳәа", - иҳәеит аминистр.
Ԥхынгәы 12 раахыс Аԥсны акультура аусҳәарҭақәа русура аанкылоуп акультура аминистр Гудиса Агрба идҵала.
Нанҳәа 13 азы Аслан Бжьаниа аусдҵа инапы аҵаиҩит аковидҿагыларатә ԥкырақәа рымҩаԥгаразы, акультура аусҳәарҭақәа русура аанкыларагьы абрахь иналаҵаны.