АҞӘА, жьҭаара 13 - Sputnik. Аԥсны ахада Аслан Бжьаниеи Урыстәыла аҳауатә транспорт азы Афедералтә маҵзура аиҳабы Александр Нерадькои еиԥылеит Москва ҳәа аанацҳауеит ахада ипресс-маҵзура.
Аганқәа алацәажәеит Аԥсны аҳаиртә еимадара ахацыркра азҵаарақәа.
Иҳәаақәҵан апроект анагӡара аԥҟареи асхемеи. Иара иазԥхьагәанаҭоит анорматив-зинтә ҭышәныртәалара, апроект-сметатә документациа аус адулара, аиҳабырабжьаратә еиқәшаҳаҭрақәа анапрыҵаҩра.
Аԥсны ахадеи Росавиациа ахадеи еиқәшаҳаҭхеит абри аус аганахьала ԥхьаҟатәи ашьаҿақәа рыҟаҵашьазы.
Абаӷәазаз апроект-сметатә документациа ҽааны иазырхиахоит ҳәа иҳәеит цәыббра 21 рзы апресс-конференциаҿ Аслан Бжьаниа. Иара иҳәеит аинвестор дшыҟоу, 120 миллион мааҭ иара аргыларазы ишыԥшаау. Бжьаниа иажәақәа рыла, раԥхьатәи ареисқәа 2024 шықәса жьҭаарамзазы иазгәаҭоуп.