АҞӘА, жьҭаара 13 - Sputnik. Аслан Бжьаниа иусутә ныҟәара аҳәаақәа ирҭагӡаны Москва дырԥылеит "Газпром промгази" "Газпроми" рхаҭарнакцәа ҳәа аанацҳауеит ахада ипресс-маҵзура.
Аиԥылараҿы ирылацәажәан Аԥсны газла аиқәыршәаразы атехникатә ҟазшьа змоу азҵаарақәа.
Аганқәа иара убасгьы ирылацәажәеит Асхема хада аус адулашьа шцо.
Аслан Бжьаниа Москваҟа иныҟәара жьҭаара 2 рзы иалагараны иҟан, аха Аҟәа цәыббра 30 азы аҭыԥ змаз ахҭыс иахырҟьаны Аҟәаҟа дхынҳәит.