АҞӘА, жьҭаара 19 - Sputnik. Урыстәыла аиҳабыра ԥшьмиллиардк азоурыжьуеит Ленинград амацәаз иҭакыз ауааԥсыра зныктәи ашәара 50-50 нызқьмааҭ рыҭаразы, аанацҳауеит РИА Новости.
"3,9 миллиард мааҭ инеиҳаны иазоужьуп амедал "Ленинград ахьчаразы", ма адырга "Амацәаз иҭакыз Ленинград ақалақьуаҩ" занашьоу аԥара рызшәаразы. Зныктәи аԥара рызшәара аусԥҟа инапы аҵаҩхьан Урыстәыла ахада Владимир Путин. Уажәы ари аусдҵа анагӡаразы инапы аҵеиҩит аиҳабыра рхада Михаил Мишустин", - аҳәоит адырраҭараҿ.
Арҭ аԥарақәа Ленинград амацәаз иҭакыз, иааиԥмырҟьаӡакәа Урыстәылатәи афедерациа, Латвиатәи Ареспублика, Литватәи Ареспублика, Естониатәи Ареспублика, Аԥсны Аҳәынҭқарра, Аахыҵ Уаԥстәылатәи Ареспублика, Приднестровиа инхо, 50-50 нызқьмааҭ рызшәара иазырхахоит.
Мишустин жьҭаара 14 азтәи аиҳабыра реилатәараҿы иҳәеит "Аԥсҭазаара амҩа" аартра 80-шықәса ахыҵра инамаданы аԥара шрызшәахо 75 нызқьҩык.