АҞӘА, жьҭаара 20 - Sputnik. 1,5 миллионҩык атуристцәа Аԥсны иаҭааит 2021 шықәсазы, абри атәы иҳәеит Аԥсны атуризм аминистр Ҭеимураз Хышба, аанацҳауеит аминистрра апресс-маҵзура.
Хышба иажәақәа рыла, Аԥсны аԥсшьара сынтәа аинтерес ду аманы иҟан. Атуризм аминистр уажәы Москва усутә ныҟәарыла дыҟоуп.
Сынтәатәи акурорттә сезон азы 1,5 миллионҩык атуристцәа Аԥсны иаҭааит. Ари аинвесторцәеи атуристтә бизнес знапы алакуи русеицура ргәанарԥхоит. Ҳара абри ахырхарҭала ҳусура иацаҳҵалоит.
Атуризм аминистр иусутә ныҟәара аҳәаақәа ирҭагӡаны аиԥыларақәа мҩаԥигеит абизнес-еилазаара ахаҭарныкцәа рыбжьара.
Иара убасгьы имҩаԥган аилахәыра "PEGAS Touristik" ашьаҭаркҩы Рамазан Акпынари Ҭеимураз Хышбеи реиԥылара.