АҞӘА, жьҭаара 21 – Sputnik, Бадри Есиава. Очамчыра араион ақыҭақәа Гәыԥи Маркәылеи рҿы ашьапылампыласырҭа-маҷқәа дыргылоит, абри атәы Sputnik иазеиҭеиҳәеит аилахәыра "Аԥсныргылара" адиректор хада Руслан Тәанба.
Арҭ ақыҭақәа руааԥсыра акырҵуеит ашьапылампыласырҭа-маҷқәа ирыҳәоижьҭеи. Аԥара ареспубликатә биуџьет иҭыгахоит. Апроект аекспертиза иахысит, азахә шоурыжьлак аусурақәа ҳрылагоит.
Тәанба иазгәеиҭеит 20 - 40 метра иҟоу адә-маҷқәа 4 миллионки 415 нызқь мааҭ ишаԥсоу.
Апроект иазыԥхьагәанаҭоит акәырша, алашара, агәашәқәа, адыргақәа.