Арадио Sputnik асас аиҿцәажәараҿы илҳәеит Аԥсны ашколқәеи ахәыҷбаҳчақәеи рҿы иахьазы 40% ахәыҷқәа шраку зхатәы бызшәа ибзианы издыруа. Ари аҭагылазаашьа еиҳа-иаҳа еицәамхозар еиӷьхом, ҳәа азгәалҭеит Аҳәԥҳа. Арҵаҩы лажәақәа рыла, ахәыҷқәа рхатәы бызшәа шьҭыркаарцаз, еихшатәуп, абызшәа здыруеи иззымдыруеи ҳәа. Асҭанда Аҳәԥҳа еиҭалҳәеит, анаҩс урҭ агәыԥқәа русура шеиҿкаатәу, ас еиԥш аметод алҵшәа аманы изылыԥхьаӡо.