АҞӘА, абҵара 1 - Sputnik. Аԥснытәи аспортсменцәа напышьашәалатәи ақәԥаразы адунеитә еиндаҭлараҿы аџьаз медалқәа ҩба ргеит, ҳәа аанацҳауеит Аԥсны аспорт азы Аҳәынҭеилакы.
Жәларбжьаратәи аицлабрақәа ирылахәын 500-ҩык инарзынаԥшуа аспортсменцәа 17 тәыла рҟынтәи.
Аԥсны Аҳәынҭқарра ахьӡала иқәгылон ҩыџьа аспортсменцәа: Рауль Хзарџьиан 65 кьыла зыкапан ыҟоу адуцәа рыбжьара ахԥатәи аҭыԥ никылеит, Артур Акопиан 16-17 шықәса зхыҵуаз, 70 кьыла зыкапан ыҟаз рыбжьара ахԥатәи аҭыԥ игеит.
Аспортсменцәа азыҟаиҵоит Аԥсни Урыстәылеи зҽаԥсазтәыз азыҟаҵаҩ, атрадициатә ушуи анапышьашәалатә қәԥареи рзы Аԥсны Афедерациа ахада Ваграм Алексаниан.