АҞӘА, абҵара 15 - Sputnik. Аҽааӡаҩ Ахра Ашәба 2021 шықәсазтәи арбагақәа рыла Урыстәыла иахьаҵанакуа араб ҽыжәлацқьақәа ныҟәызго рыбжьара ареитинг аҿы аԥшьбатәи аҭыԥ ааникылеит. Абри атәы аанацҳауеит Аԥсны аспорти аҿари русқәа рзы Аҳәынҭеилакы.
Ашәба иара убасгьы Павловтәи аҽырҩырҭа ареитинг аҿы актәи аҭыԥ ааникылоит, Краснодартәи ареитинг аҿы – аҩбатәи.
Ахра Ашәба иҽыҩқәа Вронскии Старки аҩбатәии ахԥатәии аҭыԥқәа ааныркылеит жьҭаара 17 рзы Краснодар имҩаԥысыз аҽырыҩратә сезон аркраҿы.
Ԥхынгәы 17 азы Вронски Краснодартәи аԥхьахә хада (Дерби) аҿы ииааит. Ахԥатәи аҭыԥ ааннакылеит Ахра Ашәба иҽы Сириус.
Нанҳәа 15 азы аҽыҩ Вронски Москва 1800 метра аҩраҿы аҩбатәи аҭыԥ ааннакылеит араб ҽыҩжәлақәа рыбжьара.