АҞӘА, абҵара 15 - Sputnik. Еиду Америкатәи аштатқәа иртәу Арра-мшынтә мчқәа Афбатәи афлот афлагмантә ӷба Mount Whitney Амшын еиқәа аҟынтәи Адгьылбжьаратә мшын ахь ахы археит, аоперациа хыркәшаны. Абри атәы аҳәоит афлот Twitter аҿы.
Аӷбаҿ иҟан Афбатәи афлот аштаб аусзуҩцәеи НАТО амшынтә мчрақәа (Naval Striking and Support Forces НАТО - STRIKFORNATO) ркомандаҟаҵареи.
Урыстәыла Атәылахьчара аминистрра уаанӡа аҳәамҭа ҟанаҵеит ЕАА аӷбақәа Амшын еиқәаҿы рыҟазаара ахылаԥшра шанаҭо азы. Аусбарҭа адыррала ЕАА Урыстәыла аҳәаа ааигәара арратә мчрақәа рыҟазаара аҽазнашәоит. Хықәкыс ирымоуп Донбасс амч ахархәарала аҭагылазаашьа аилыргара иалагар, Урыстәыла АМ рҽазыҟаҵаратә ҭагылазаашьа аилкаара.