https://sputnik-abkhazia.info/20211110/aekspert-eaa-amshyn-eiay-akhymagasha-amch-aarshroup-iaanago-a-akhiaait-1036261644.html
Аексперт ЕАА Амшын еиқәаҿы ахымҩаԥгашьа амч аарԥшроуп иаанаго ҳәа ахиҳәааит
Аексперт ЕАА Амшын еиқәаҿы ахымҩаԥгашьа амч аарԥшроуп иаанаго ҳәа ахиҳәааит
Sputnik Аҧсны
Жьҭаара анҵәамҭеи абҵара алагамҭеи рзы Амшын еиқәа аӡқәа рахь иҭалеит амҵәыжәҩа змоу аракетақәа зықәгылоу аесминец "Портери" ЕАА АММ рыштабтә ӷба "Маунт... 10.11.2021, Sputnik Аҧсны
2021-11-10T09:20+0300
2021-11-10T09:20+0300
2021-11-10T09:49+0300
аполитика
ажәабжьқәа
https://cdnn1.img.sputnik-abkhazia.info/img/07e4/0c/11/1031475292_0:0:2591:1457_1920x0_80_0_0_550ab94fdfc44724158b8e31ef5b5765.jpg
АҞӘА, абҵара 10 - Sputnik. ЕАА Амшын еиқәа аҵакыраҿы активла ахымҩаԥгашьа Вашингтон Урыстәыла аанкыларазы ҳәа официалла имҩаԥнаго апозициоуп изыдҳәало, амчра аарԥшроуп, аха америкаа Украина аҵакыраҿы арратә ма арра-мшынтә базақәа рыргылара иақәшаҳаҭымхар ҟалоит ҳәа азиԥхьаӡоит Урыстәыла Аҭҵаарадыррақәа ракадемиа иатәу Еиду Аштатқәеи Канадеи ринститут арра-политикатә центр анапхгаҩы, Аекономика иреиҳаӡоу аинститут адунеитә политика акафедра апрофессор Владимир Батиук. Абри атәы иҳәеит иара РИА Новости аинтервиу анеиҭоз."Ари Амшын еиқәеи Балтикатәи амшыни назлоу аҵакырақәа рҟны Урыстәыла аанкыларазы ҳәа ЕАА зыхцәажәо официалтә позициоуп. Ари Вашингтон амчра аарԥшроуп. Уаҳа акгьы", - ахиҳәаауеит ЕАА ахымҩаԥгашьазы Батиук.Аексперт иазгәеиҭеит ЕАА Амшын еиқәа арегион аҿы арратә базақәа аргылар ҟалоит ҳәа агәаанагара уазхьаԥшыр, ицәырҵуеит азҵаарақәа, Монтрио иконвенциала аԥкрақәа ирызкугьы абрахь иналаҵаны ҳәа.Уи иажәақәа рыла, иуадаҩуп ахаҿы аагара – Амшын еиқәа арегион аҿы америкатәи аибашьыга ӷба ааины Донбасс украинатәи аруаа ацхыраара рнаҭап ҳәа. Избанзар Донбасси Амшын еиқәеи – арҭ еиԥшым арратә театрқәоуп.Батиук иҳәеит америкатәи арратә базақәа Амшын еиқәа арегион аҿы рцәырҵра Монтрио иконвенциа мацара шакәым ирԥырхагоу. Ишдыру аиԥш америкаа рбазақәа ахьгылоу атәылақәа рацәам. Урҭ еиҳарак амал змоу, ибеиоу тәылақәоуп. Рыҩнуҵҟатә политикатә ҭагылазаашьагьы ҭышәынтәалоуп. Америкатәи амшынуааи аграждантә персонали шәарҭарак рымам."Аиҳарак арҭ мраҭашәаратәи Европа атәылақәа роуп, Бахреин аиԥш ибеиақәоу роуп, Иапониа, Аладатәи Кореиа, Австралиа роуп. Украина арҭ атәылақәа акала иреиԥшны иҟам. Ара аҩнуҵҟатә ҭагылазаашьа еснагь амца аҵоуп. Убри азы америкатәи арратә ма аполитикатә напхгаҩы ара арратә базақәа рыргылара дақәшаҳаҭхараны дыҟам", - ҳәа иҳәеит аексперт.Урыстәыла Атәылахьчара аминистрра ЕАА Амшын еиқәаҿы ахымҩаԥгашьа азхьаԥшра анаҭеит, инаҵшьны иазгәанаҭеит Киев Донбасс амч ахархәарала азҵаара аӡбара аҽаназыҟанаҵо аамҭазы ԥхьаҟатәи арратә усқәа шыҟалаша аҭҵаара мҩаԥнагоит ҳәа. Урыстәыла Атәылахьчара аминистрраҿы иазгәарҭеит Амшын еиқәа афлот аӷбақәа ишынарыгӡо Амшын еиқәа аҵакыраҿы ЕАА АММ аӷбақәа рышьклаԥшразы ауснагӡатәқәа. Аусбарҭаҿы иара убасгьы ирҳәеит ЕАА АММ Амшын еиқәаҿы ахымҩаԥгашьа аҭынчра шьақәзырҟьо фактуп ҳәа. Хықәкны иамоугьы Украина аҵакыра арратә хархәароуп.Уаанӡа ЕАА АММ афицар Браиан Харрингтон иҳәахьан Монтрио иконвенциа иахыкәшаны арратә ҽазыҟаҵарақәа рымҩаԥгара Амшын еиқәаҿы Урыстәыла иамоу аԥыжәара ацәнагар ҟалоит ҳәа. Харрингтон ажәалагала ҟаиҵеит Амшын еиқәаҿы ЕААи НАТОи зтехнологиа ҳараку абџьар зықәгылоу рыӷбақәа арратә маниоврқәа ҟарҵаларц. Монтрио иконвенциа инақәыршәаны, Амшын еиқәа иаԥным атәылақәа ируалԥшьоуп реибашьыга ӷбақәа аҭынч аамҭазы аӡыбжьахала ианҭысуа, ртоннаж дырмаҷырц. Убри азы ари аԥҟара рҽацәхьаркырц азы атәылақәа рымчқәа еибырҭароуп ҳәа иҳәеит Харрингтон.1936 шықәсазы ирыдыркылаз Монтрио иконвенциа атәылақәа зегьы рыхәаахәҭратә ӷбақәа рхы иақәиҭны аӡыбжьахалақәа рҭысра азин ҟанаҵоит аҭынч аамҭазгьы аибашьраамҭазгьы. Аха убри аан Амшын еиқәа иаԥнуи иаԥными атәылақәа реибашьыга ӷбақәа рзы аӡыбжьахалақәа рҭысра арежим еиԥшым. Амшын еиқәа иаԥным атәылақәа рырратә ӷбақәа рзы аԥкрақәа ыҟоуп урҭ ара рыҟазаара аамҭеи рыҩаӡареи рганахьала.
https://sputnik-abkhazia.info/20211030/amerikati-aesminets-amshyn-eia-ialeit-1036130360.html
https://sputnik-abkhazia.info/20211101/lavrov-nato-amshyn-eiay-abazaa-raartraz-agaky-akhshara-aieit-1036147676.html
https://sputnik-abkhazia.info/20211101/putin-eaa-abaa-amshyn-eiay-ryazaarazy-akharashygala-akhashyp-ma-akylyshyra-ala-1036154417.html
Sputnik Аҧсны
media@sputniknews.com
+74956456601
MIA „Rosiya Segodnya“
2021
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
аполитика, ажәабжьқәа
Аексперт ЕАА Амшын еиқәаҿы ахымҩаԥгашьа амч аарԥшроуп иаанаго ҳәа ахиҳәааит
09:20 10.11.2021 (ирҿыцуп: 09:49 10.11.2021) Жьҭаара анҵәамҭеи абҵара алагамҭеи рзы Амшын еиқәа аӡқәа рахь иҭалеит амҵәыжәҩа змоу аракетақәа зықәгылоу аесминец "Портери" ЕАА АММ рыштабтә ӷба "Маунт Уитни".
АҞӘА, абҵара 10 - Sputnik. ЕАА Амшын еиқәа аҵакыраҿы активла ахымҩаԥгашьа Вашингтон Урыстәыла аанкыларазы ҳәа официалла имҩаԥнаго апозициоуп изыдҳәало, амчра аарԥшроуп, аха америкаа Украина аҵакыраҿы арратә ма арра-мшынтә базақәа рыргылара иақәшаҳаҭымхар ҟалоит ҳәа азиԥхьаӡоит Урыстәыла Аҭҵаарадыррақәа ракадемиа иатәу Еиду Аштатқәеи Канадеи ринститут арра-политикатә центр анапхгаҩы, Аекономика иреиҳаӡоу аинститут адунеитә политика акафедра апрофессор Владимир Батиук. Абри атәы иҳәеит иара
РИА Новости аинтервиу анеиҭоз.
"Ари Амшын еиқәеи Балтикатәи амшыни назлоу аҵакырақәа рҟны Урыстәыла аанкыларазы ҳәа ЕАА зыхцәажәо официалтә позициоуп. Ари Вашингтон амчра аарԥшроуп. Уаҳа акгьы", - ахиҳәаауеит ЕАА ахымҩаԥгашьазы Батиук.
Аексперт иазгәеиҭеит ЕАА Амшын еиқәа арегион аҿы арратә базақәа аргылар ҟалоит ҳәа агәаанагара уазхьаԥшыр, ицәырҵуеит азҵаарақәа, Монтрио иконвенциала аԥкрақәа ирызкугьы абрахь иналаҵаны ҳәа.
"Монтрио иконвенциа инақәыршәаны Амшын еиқәа иаԥным аҳәынҭқаррақәа азин рымоуп реибашьыга ӷбақәа, Амшын еиқәа аҵакыраҿы 21 мшы рыҩнуҵҟа мацара рыҟазаара. Уаҳа иацымкәа. Абри аҭагылазаашьаан иааиԥмырҟьаӡакәа Амшын еиқәаҿы рыфлот аҟазааразы арратә базақәа рыргылара америкаа азин рымам. Иҟалап америкаа ирлас-ырласны рыдгылаҩцәеи рпартниорцәеи ирҭаалар, уаҳа акгьы", - иҩуеит Батиук.
Уи иажәақәа рыла, иуадаҩуп ахаҿы аагара – Амшын еиқәа арегион аҿы америкатәи аибашьыга ӷба ааины Донбасс украинатәи аруаа ацхыраара рнаҭап ҳәа. Избанзар Донбасси Амшын еиқәеи – арҭ еиԥшым арратә театрқәоуп.
Батиук иҳәеит америкатәи арратә базақәа Амшын еиқәа арегион аҿы рцәырҵра Монтрио иконвенциа мацара шакәым ирԥырхагоу. Ишдыру аиԥш америкаа рбазақәа ахьгылоу атәылақәа рацәам. Урҭ еиҳарак амал змоу, ибеиоу тәылақәоуп. Рыҩнуҵҟатә политикатә ҭагылазаашьагьы ҭышәынтәалоуп. Америкатәи амшынуааи аграждантә персонали шәарҭарак рымам.
"Аиҳарак арҭ мраҭашәаратәи Европа атәылақәа роуп, Бахреин аиԥш ибеиақәоу роуп, Иапониа, Аладатәи Кореиа, Австралиа роуп. Украина арҭ атәылақәа акала иреиԥшны иҟам. Ара аҩнуҵҟатә ҭагылазаашьа еснагь амца аҵоуп. Убри азы америкатәи арратә ма аполитикатә напхгаҩы ара арратә базақәа рыргылара дақәшаҳаҭхараны дыҟам", - ҳәа иҳәеит аексперт.
Урыстәыла Атәылахьчара аминистрра ЕАА Амшын еиқәаҿы ахымҩаԥгашьа азхьаԥшра анаҭеит, инаҵшьны иазгәанаҭеит Киев Донбасс амч ахархәарала азҵаара аӡбара аҽаназыҟанаҵо аамҭазы ԥхьаҟатәи арратә усқәа шыҟалаша аҭҵаара мҩаԥнагоит ҳәа. Урыстәыла Атәылахьчара аминистрраҿы иазгәарҭеит Амшын еиқәа афлот аӷбақәа ишынарыгӡо Амшын еиқәа аҵакыраҿы ЕАА АММ аӷбақәа рышьклаԥшразы ауснагӡатәқәа. Аусбарҭаҿы иара убасгьы ирҳәеит ЕАА АММ Амшын еиқәаҿы ахымҩаԥгашьа аҭынчра шьақәзырҟьо фактуп ҳәа. Хықәкны иамоугьы Украина аҵакыра арратә хархәароуп.
Уаанӡа ЕАА АММ афицар Браиан Харрингтон иҳәахьан Монтрио иконвенциа иахыкәшаны арратә ҽазыҟаҵарақәа рымҩаԥгара Амшын еиқәаҿы Урыстәыла иамоу аԥыжәара ацәнагар ҟалоит ҳәа. Харрингтон ажәалагала ҟаиҵеит Амшын еиқәаҿы ЕААи НАТОи зтехнологиа ҳараку абџьар зықәгылоу рыӷбақәа арратә маниоврқәа ҟарҵаларц. Монтрио иконвенциа инақәыршәаны, Амшын еиқәа иаԥным атәылақәа ируалԥшьоуп реибашьыга ӷбақәа аҭынч аамҭазы аӡыбжьахала ианҭысуа, ртоннаж дырмаҷырц. Убри азы ари аԥҟара рҽацәхьаркырц азы атәылақәа рымчқәа еибырҭароуп ҳәа иҳәеит Харрингтон.
1936 шықәсазы ирыдыркылаз Монтрио иконвенциа атәылақәа зегьы рыхәаахәҭратә ӷбақәа рхы иақәиҭны аӡыбжьахалақәа рҭысра азин ҟанаҵоит аҭынч аамҭазгьы аибашьраамҭазгьы. Аха убри аан Амшын еиқәа иаԥнуи иаԥными атәылақәа реибашьыга ӷбақәа рзы аӡыбжьахалақәа рҭысра арежим еиԥшым. Амшын еиқәа иаԥным атәылақәа рырратә ӷбақәа рзы аԥкрақәа ыҟоуп урҭ ара рыҟазаара аамҭеи рыҩаӡареи рганахьала.
