АҞӘА, абҵара 18 – Sputnik, Асмаҭ Ҵәыџьԥҳа. Гәылрыԥшь араион аҿы COVID-19 2392-ҩык ирыдбалоуп пандемиа иалагазар, иҳәеит араион ахада Аслан Бараҭелиа аилацәажәараҿы.
Бараҭелиа иажәақәа рыла, ргәабзиара шьақәдыргылахьеит 2250-ҩык, рыԥсҭазаара иалҵхьеит 90-ҩык. 129-ҩык ахыԥхьакра иҟоуп , 21-ҩык астационар аҿы ишьҭоуп.
Араион ахада иҟаиҵаз адыррала "Спутник V” ҟарҵахьеит 459-ҩык, "Спутник Лайт" – 585-ҩык.
Бараҭелиа иҳәеит уажәы ишарку школк. Уа ԥшьҩык арҵаҩцәа чмазыҩхеит, иара убасгьы иаркуп ахәыҷбаҳча "Амра", 22-ҩык аусзуҩцәа рҟынтәи ааҩык чмазцәоуп.