АҞӘА, абҵара 22 - Sputnik. Урыстәылатәи алаҵа "Спутник Лайт" Аԥсны иҟарҵеит 5 145-ҩык, ҳәа аанацҳауеит Аԥсныпресс Агәабзиарахьчара аминистрра адыррақәа шьаҭас иганы.
Иаанхаз 355 лаҵа ахарахәара аҭахоит атәылауаа реиҭалаҵаҟаҵаразы.
Алаҵа "Спутник V" аҟаҵара иеиҭахацыркын абҵара 18 азы. Абҵара 22 азы алаҵа ҟарҵахьеит 82-ҩык.
6000 лаҵа "Спутник V" Аԥсныҟа иааган абҵара 16 азы. Алаҵа ареспубликатә биуџьет аҟынтәи ахә ахшәаауп.