АҞӘА, абҵара 26 – Sputnik, Бадраҟ Аҩӡба. Абокс азы Аԥсны еизгоу акоманда алахәыла Енвер Бзагәа аиааира игеит Москва абҵара 26 рзы дызлахәыз ипрофессионалтә кариераҿы аҩбатәи ареинтингтә қәгылараҟны, абри атәы Sputnik иазеиҭеиҳәеит Аԥсны Апрофессионалтә бокс афедерациа ахада Алик Карди-оӷлы.
"Енвер аиқәԥара зегьы мҩаԥигеит, рыфраундкгьы дрылахәын. Аиқәԥара ашьҭахь аӡбаҩцәа еицҿакны аԥснытәи аспортсмен араундқәа рыфбагьы рҿы аиааира игеит ҳәа азырԥхьаӡеит", - ҳәа иазгәеиҭеит Карди-оӷлы.
Сынтәа рашәара 27 рзы дызлахәыз раԥхьатәи иреитингтә қәгылараҟны Енвер Бзагәа техникатә нокаутла аиааира игеит. Усҟан аԥсуа спортсмен урыстәылатәи аспортсмен Виктор Конкин диндаҭлон.