АҞӘА, рашәара 27 – Sputnik, Бадраҟ Аҩӡба. Абокс азы Аԥсны еизгоу акоманда алахәыла Енвер Бзагәа аиааира игеит техникатә нокаутла Москва рашәара 27 рзы имҩаԥысуаз раԥхьаӡа акәны дызлахәыз ԥшь-раундктәи ареитингтә еиқәԥараҟны.
Аԥсуа спортсмен диндаҭлон аурыс команда алахәыла Виктор Конкин. 26 шықәса зхыҵуа Енвер Бзагәа дықәгылоит 79 бжаки кьыла зкапануа ркатегориаҿы.
Аԥсуа спортсмен актәи аномер иманы дықәгылон, Енвер Бзагәа ҩ-минуҭки жәохә секундки рыла аиааира игеит.
Аиқәԥара алагамҭазы Виктор Конкин Енвер Бзагәа ижәыларақәа рҭакҟаҵара илшозҭгьы, аамҭа кьаҿк иалагӡаны Бзагәа еиҳагьы иҽирӷәӷәеит, аӡбаҩгьы аиԥылара ааникылар акәхеит.
Енвер Бзагәа ипрофессионалтә кариера далагеит узхыҽхәаша аиааира ала.
Иара убас шәаԥхьар ҟалоит:
- Енвер Бзагәа: Аԥсны Аҳәынҭқарра абираҟ ахьӡала сықәԥаларц сҭахуп
-
Аԥсны ашәахәақәа: Саида Жьиԥҳа лышәҟәы Sputnik апресс-центр аҿы иӡырган
