АҞӘА, абҵара 30 - Sputnik. Аԥсны афинансқәа рминистр Владимир Делба Аминистрцәа реилазаара аилатәараҿы далацәажәеит 2022 шықәсазы ареспубликатә биуџьет аҿы агәабзиарахьчара аусхк иазырхоу аԥарақәа ртәы.
2021 шықәса абҵара 30 азтәи арбагақәа рыла 477 миллион мааҭ абиуџьеттә ԥарақәа акоронавирустә инфекциа аԥырҟәҟәара иахҭынҵоуп. 2020 шықәса раахыстәи азеиԥш ныхра 730 миллион артәоит, иҳәеит Делба.
Афинансқәа рминистр иажәақәа рыла, 2022 шықәсазы агәабзиарахьчара иазырхахоит 440 миллион мааҭ.