АҞӘА, ԥхынҷкәын 7 – Sputnik. Мышқәак раԥхьа Аҟәатәи ақалақьтә сааҭ аусура еиԥҟьеит, ақалақь ахадара аҟазауаа адԥхьаланы аусура аиҭашьақәыргылара иаҿуп, абри атәы аанацҳауеит ахадара асаит.
Иазгәаҭоуп, асааҭ аусура ашьақәыргыларазы мышқәак аҭахуп ҳәа.
Москватәи ақалақьтә хеилак, 1917 — 1993 шықәсқәа рзы иреиҳаӡоу аҳәынҭқарратәә мчра ҳәа иԥхьаӡаз, 1950 шықәса рзы Асовет Еидгылаҟны зегь раасҭа ицқьоу ақалақь ҳәа иазырыԥхьаӡеит Аҟәа. Абри ахҭыс инадҳәаланы Иосиф Сталин идҵала Аҟәа ианашьан абаахагылатә сааҭ. Абри аамҭа инаркноуп ари асааҭ ақалақь ырԥшӡо аус ауеижьҭеи.