АҞӘА, ԥхынҷкәын 8 - Sputnik. Аԥсны Абанк "Кавказ ажәларқәа рцәамаҭәеи рабџьари" иаҵанакуа агәаларшәагатә ԥараҿырпқәа "Кабардинеци" "Натухаеци" ҭнажьит ҳәа аанацҳауеит Абанк асаит.
Автор - асахьаҭыхыҩ Баҭал Џьапуа. 20-20 аԥсар иҟоуп, ртираж 100-100 цыра. Араӡны иалхуп, 42х70 миллиметра инаӡоит.
Аԥараҿырпқәа раверсқәа рганахь ала иарбоуп Д. И. Ермаков XIX ашәышықәсазтәи ифотосахьақәа "Аԥсуа депутатцәа" рҟынтәи асахьақәа. Арымарахьтәи аган аҿы иарбоуп асолиартә дырга – жәеиза уарба. Урҭ рыҵаҟа иануп "20 аԥсар", арыцхә – 2021. Арӷьарахьтәи аган аҿы – аҩыра "Аԥсны Абанк", Аԥсны Аҳәынҭқарра агерб.
Ареверстә ган агәҭаҿы иарбоуп адыга еибашьцәа, аԥшшәы змоу сахьала, амилаҭтә џьоуҳар ала ихырҷоуп. Хыхьтәи ахәҭаҿы аԥсышәала иануп "азахә", ҟабарда бызшәала "адыге" ҳәа.