АҞӘА, ԥхынҷкәын 15 – Sputnik. COVID-19 азы атестқәа арҭеит 499-ҩык Аԥсны ауааԥсыра, урҭ рахьтә 107-ҩык рцәа акоронавирус шалаз аадырԥшит.
Гәдоуҭатәи ахәшәтәырҭаҿы рыԥсҭазаара иалҵит ҩыџьа: 65 шықәса зхыҵуаз аԥҳәыси, 80 шықәса зхыҵуаз ахаҵеи.
Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 93-ҩык, рҭагылазаашьа бааԥсуп 27-ҩык, ибжьаратәуп - 66-ҩык. Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы, урҭ рахьтә 18-ҩык рҭагылазаашьа уадаҩуп. Очамчыра ирхәшәтәуеит 23-ҩык, урҭ рахьтә ааҩык рҭагылазаашьа уадаҩуп. Гагратәи ахәшәтәырҭаҿы - 21-ы, урҭ рахьтә хҩык рҭагылазаашьа уадаҩуп. Тҟәарчалтәи ахәшәтәырҭаҿы 16-ҩык ачымазцәа шьҭоуп.