АҞӘА, ԥхынҷкәын 16 – Sputnik, Асмаҭ Ҵәыџьԥҳа. Акультура –гәыҳалалратә фонд "Ашанеи" ассоциациа "Инва-Цхыраареи" ДЦП змоу быжьҩык ахәыҷқәа рзы аинвалид-кәырҷыжьқәа аархәеит.
Афонд "Ашана" адиректор Мактина Џьынџьалԥҳа лажәақәа рыла, уаанӡа аилахәыра "Гуте Техник" Николь Хачатуриан, Сандра Инаԥшьԥҳа, Анита Харчылааԥҳа, Мариа Кесиан, Анастасиа Бадиаԥҳа, Амир Ҳалуашь, Левон Папазиан рзы ихаҭалатәу ахархәагақәа рзыршәеит, избанзар ииашамкәа иалху атехника агәабзиаратә ҭагылазаашьа еицәанатәыр алшоит.
Благотворительный фонд "Ашана" передает инвалидные коляски
© Sputnik / Томас Тхайцук
Атәарҭақәа шәарҭадоуп – амаҟақәа, ахкыдҵарҭақәа рымоуп.
Ари аҩыза акәырҷыжь лоуит жәаҩа шықәса зхыҵуа Анита Харчылааԥҳагьы. Лан Марҭа Харчылааԥҳа илҳәоит лара дышхәыҷ ҭынчым.
"Хәбаҟа шықәс алхыҵаанӡа лныҟәгара ҳалшон. Аха лара илызҳауеит. Аҳақьым иахь ацарагьы уадаҩуп. Шәкҟа метра лхала дахысыр лылшоит, аха нас дааԥсоит", - ҳәа еиҭалҳәоит лара.
Аԥхьанатә арҭ ацхыраагӡақәа раахәаразы 340 000 мааҭ еизган, аха апандемиа аамҭааз рыхә иацлеит. Афонд уажәы урҭ ирыхнашәааит 771 000 мааҭ. Иазымхоз аԥара "Ашана" арезервтә фонд аҟынтә иган ҳәа лҳәеит Мактина Џьынџьалԥҳа.