АҞӘА, ԥхынҷкәын 16 - Sputnik. Аҟәа араион, Гәымсҭа ақыҭа, Бзыԥтәи амҩаҿы ахатәыҩны аҿаԥшьы амца акит, ҳәа аанацҳауеит Аԥсны АҶА.
Амцарцәаҩцәа асааҭ 21:18 рзы инеиит. Аха усҟантәи аамҭазы аҩны зегьы былхьан. Аҭыԥ аҿы АҶА аусзуҩцәа ахаҵа иԥсыбаҩ рбеит. Уи ихаҭара шьақәыргылам.
Иара убасгьы ԥхынҷкәын 15 азы Аҟәа, Аргәын имҩаду аҟны игылаз ахатәы амҿтәыҩны амца акит. Амцарцәаҩцәа аннеи аҩны амца иамҽханакхьан. Ауаа ԥырхага рмоуит.