АҞӘА, ԥхынҷкәын 28 - Sputnik. Ашықәс ҿыц азы Аԥсны аҭаара атәы арадио Sputnik иазеиҭеиҳәеит амилаҭтә туристтә еилахәыра "Турист" адиректор Руслан Кокосқьыр.
"Аныҳәамшқәа раан ауаа рацәа ҳарзыԥшуп, амшқәагьы ссирхоит ажьырныҳәа алагамҭаз", - ҳәа иҳәеит иара.
Кокосқьыр иазгәеиҭеит Шәача зыԥсы зшьо мышкы ҳәа Аԥсны иаҭаауа рацәахоит ҳәа ишгәыӷуа. Заанаҵтәи аҭыԥ ҿаҵарақәа ракәзар ҵыԥх аасҭа еиҳахоит ҳәа иҳәеит иара.
Иара убасгьы иҳәеит, атрансфер азы уадаҩра шыҟамло, атуристцәа зҭаауа аҭыԥқәа рахь амҩақәа шаарту. Риҵатәи амҩа атехника ҷыдала идрыцқьоит.
Уи адагьы Кокосқьыр иҳәеит алашараз аилахәыра гәаҟра шамам, уи азы атуристцәа ишахәҭоу аиԥш ирыдыркылап ҳәа игәы ишаанаго.
Бжьаратәла аныҳәаз атурқәа ԥшьымш инаркны бжьымш рҟынӡа ҿарҵоит. Аԥснытәи атурқәа рыхәԥсақәа 25 - 35 нызқь итәоит ҩыџьа ԥшьымштәи рыԥсшьаразы. Турқәак иазыԥхьагәарҭоит анхара, хынтәтәи акрыфарачара, атрансфер, аныҳәатә банкет.