АҞӘА, ажьырныҳәа 9 - Sputnik. Алма-Ата иахатәи аҵх иалагӡаны шәҩык инарзынаԥшуа арҳәцәеи атеррористцәеи ааныркылеит ҳәа аанацҳауеит Sputnik Ҟазахсҭан.
Иазгәаҭоуп, дара ишрымхыз 118 ак абџьари уи иацу зқьы инеиҳаны аџьаԥҳани.
Ақалақь ахадара рдыррақәа рыла, Алма-Ата иаанкылоуп 850-ҩык атеррористтә акти, арҳәрақәеи, ацәгьоурақәеи ирылахәыз. Уажәазын аҭагылазаашьа еиҳа иҭынчроуп.
Ҟазахсҭан аҿагыларатә акциақәа ирылагеит ашықәс ҿыц ҳшынҭалаз еиԥш. Мангистаутәи анефҭааглыхратә раион ақалақьқәа Жанаозени Актауи рҟны инхо ауааԥсыра амитингқәа рахь ицәырҵит амашьына абылтәы ҳасабла иҭарҭәо аӡшьартә нефҭтә газ ахә ҩынтә иахьышьҭыҵыз иаҿагыло.
Ажьырныҳәа 6 ауха Токаев имҩаԥигеит Ашәарҭадаратә хеилак иара инапхгарала ираԥхьатәихаз аилатәара, уи аҟны аҳәамҭа ҟаиҵеит Ҟазахсҭан ишьақәгылаз аҭагылазаашьа "аҳәынҭқарра акзаара ҵызшәаауа" шакәу, адыррагьы ҟаиҵеит ОДКБ ахь аҳәара шыҟаиҵаз "атеррористтә шәарҭара ахыхраҟны ирыцхрааразы".