АҞӘА, ажьырныҳәа 10 – Sputnik, Бадраҟ Аҩӡба. Ихьыԥшым ашьапылампылтә ассоциациақәа рконфедерациа (ConIFA) адырра ҟанаҵоит Ашьапылампыл азы Европа
Ахраҿазы (EFC) ахәмаррақәа шымҩаԥысуа Ницца рашәарамза 3-12 рзы ҳәа Sputnik иазеиҭарҳәеит Аԥсны Ашьапылампыл азы афедерациаҿы.
Ахраҿазы (EFC) ахәмаррақәа шымҩаԥысуа Ницца рашәарамза 3-12 рзы ҳәа Sputnik иазеиҭарҳәеит Аԥсны Ашьапылампыл азы афедерациаҿы.
"Ҳара хықәкы хадас иҳамоуп ари атурнир аҽазыҟаҵара, ҳара ибзиоу акоманда қәыԥш ҳамоуп, урҭ рхы бзианы иаадырԥшыроуп. Ашьапылампыл азы афедерациа ҳаспортсменцәа ахәмарратә практика роурц иҟанаҵароуп, ашықәс иалагӡаны 7-8 мзы ихәмарроуп. Убасҟан ауп акоманда азыҟаҵаҩ хада испортсменцәа ишахәҭоу разыҟаҵара анилшо атурнир аҿы иқәгыларц азы", - иҳәеит Аԥсны Ашьапылампыл азы афедерациа ахада Ҭарашь Ҳагба.
Ашьапылампылтә сезон хыркәшаны ахәмарыҩцәа уажәы рыԥсы ршьоит, ачемпионат ҿыц ианалагалак разыҟаҵаҩ Европа ачемпионат иалахәхаша аспортсменцәа алиԥшаауеит ҳәа инаҵишьит иара.
Ашьапылампыл азы ConIFA ачемпионат Франциа Ницца ақалақь имҩаԥысраны иҟан ҵыԥх рашәарамзазы, аха акоронавирустә ԥкрақәа ирыхҟьаны уи аанкылан.
ConIFA еиднакылоит официалла FIFA иалам атәылақәеи автономиақәеи еизгоу ркомандақәа. Ааигәа ихацыркын даҽа хырхарҭак- Африка аконтинентқәа рҟны ачемпионатқәа рымҩаԥгара.
Аԥсны амилаҭтә команда ахԥатәи аҭыԥ ааннакылеит Ашьха Ҟарабах 2019 шықәсазы имҩаԥысуаз ConIFA иаҵанакуа Ашьапылампыл азы Европа ачемпионат аҿы.
2016 шықәсазы ашьапылампыл азы Европа ачемпионат ConIFA Аԥсны имҩаԥысуан. Аԥснытәи акоманда усҟан аиааира агеит.
Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам акомандақәа, зынӡа – 25 команда.