Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Онлаин хәмаррақәеи VAR: ашьапылампылтә сезон аихшьаалақәа ҟарҵеит Sputnik апресс-центр аҿы

© Sputnik / Томас Тхайцук ПК Федерации футбола Абхазии по итогам года
ПК Федерации футбола Абхазии по итогам года  - Sputnik Аҧсны, 1920, 07.12.2021
Имҩаԥган апресс-конференциа Sputnik апресс-центр аҿы, 2021 шықәсазтәи ашьапылампылтә сезон аихшьаалақәа ирызкны, ирылацәажәан VAR арбитр авидоцхыраара иҭашьа аԥышәеи ишиашоу ицо арбарақәеи.

Асезон аихшьаалақәа

Асезон аихшьаалақәа рыҟаҵара аламҭалаз Аԥсны ашьапылампыл Афедерациа ахада Ҭарашь Ҳагба амаҵзура Sputnik анапхгаҩы Руслан Бганба аԥхьа днаргыланы ҭабуп ҳәа ахиҳәааит аинформациатә дгылара иҟанаҵаз.
"Ашьапылампыл Афедерациахь ҳаннеи иазҳархиеит аԥсуа шьапылампыл аҿиара аплан. Иазгәаҳҭеит аспект хадақәа – ахәыҷы-қәыԥштә шьапылампыл, абзиабаҩцәа рлига, супер-лига, аӡбарҭатә департамент. Ахәыҷы-қәыԥштә шьапылампыл еиднакылоит зықьҩык рҟынӡа ахәыҷқәа, ақәратә категориақәа ааба рыла еихшоуп", - иҳәеит иара.
Таращ Хагба  - Sputnik Аҧсны, 1920, 05.03.2021
Ҭарашь Ҳагба Аԥсны ашьапылампыл азы: аҿиарамҩа ианылароуп
Атәыла ачемпионат иалахәын акомандақәа ааба. Аиааира агеит аҟәатәи "Нарҭ", Аԥсны ахраҿа анашьахеит "Гагра".
"Зынӡа имҩаԥган 98 хәмарра. Иҳалшоз зегь ҟаҳҵеит ахәмарыҩцәа рԥышәа мыӡырц. Уи акраҵанакуеит. Ашьапылампыл бзиа избо рзы алига иалахәын 26 команда. Имҩаԥнагон Apsnу Sports Group, иара адиректор хада Гиви Ҭодуа ашьапылампыл арҿиара инапы алакуп, ФФА ахаҭарнакс ConIFA дыҟоуп", - иҳәеит Ҭарашь Ҳагба.
Аӡбарҭатә департамент аганахь акәзар, уажәы аҿиара амҩа иануп. Ашьапылампыл Афедерациа уажәы ари азанааҭ аиура зҭаху алыркаауеит.
"Ҳгәыӷуеит ԥхьаҟазы аҭыԥантәи аӡбаҩцәа ҟалоит ҳәа", - иҳәеит Ҳагба.

VAR асистемеи ишиашоу ицо арбарақәеи

2021 шықәсазы раԥхьаӡа акәны Аԥсны ахархәара иалагеит VAR арбитр авидеоцхыраара иҭараз асистема. Ҭарашь Ҳагба иазгәеиҭеит ари асистема алагалара аԥсуа шьапылампыл азы ишхҭыс дуу.
"Ҳара ҳаигәырӷьоит ҳахәмаррақәа ишиашоу ицо аефир ала идҳарбо иахьыҟало, VAR асистема арбитрцәа рус ахьармарио. Уажәшьҭа еимактәу ҭагылазаашьак аан асистема ацхыраара алшоит", - иҳәеит иара.
Илагала ҿыцны иҟоуп амилаҭтә еиндаҭларатә хәмаррақәа онлаин режим ала дырбара. Арежиссиор Џьано Ҵурҵумиа иҳәеит стадионқәак рҿы аинфраструктура шеиҭактәу.
"Астадионқәа зегьы рҟынтәи атранслиациа амҩаԥгара ауеит, аха ишаҭаху еиԥш инҭкааны атранслиациа амҩаԥгара алшоит ҩба рҟны, уаҟа иҭырхуеит жә-камерак, аиҭаҳәақәеи аграфикеи налаҵаны. Астадионқәа рҟны ПТС (еиҭаҵуа ателехәаԥшратә станциа – арб.) аргыларҭа ыҟам акырџьара, иара убас атрибунақәа ма ахыбрақәа ахьыҟам ыҟоуп. Иаҳҳәап Афон адгьыл аҟны угыланы иҭухроуп, ашьапылампыл ус аҭыхра маншәалаӡам, иагьыԥшӡам", - иҳәеит иара.
Финал первого Международного турнира по футболу Система Cup 2021 между гудаутской Рицой и Гвардейцем из Донецка - Sputnik Аҧсны, 1920, 05.12.2021
Аԥсны
Жәеиза метра ирыӡбеит: атурнир "Система Cup 2021" афинал
Иахьазы инагӡаны иманшәаланы иҟоу астадион "Динамои" гагратәи астадиони роуп.
"Иақәнагоу аинфраструктура ыҟазар, жә-камерак рыла иҭаҳхуа иауазар акәын иахәҭоу арбарагьы аныҟалоз", - иҳәоит арежиссиор.
© Sputnik / Томас Тхайцук Арежиссиор Џьано Ҵурҵумиа
Джано Цурцумия - Sputnik Аҧсны, 1920, 07.12.2021
Арежиссиор Џьано Ҵурҵумиа

Иабанӡаҭаху ишиашоу ицо арбарақәа

Аилахәыра "Система" адиректор, ашьапылампыласратә хәмаррақәа ишиашоу рырбара апроваидер Дмитри Ҳалбад иҳәеит, уажәшьҭарнахыс Аԥсны аиԥш анҭыҵгьы ахәмаррақәа ирыхәаԥшырц шрылшо.
© Sputnik / Томас Тхайцук Аилахәыра "Система" адиректор Дмитри Ҳалбад
Дмитрий Халбад - Sputnik Аҧсны, 1920, 07.12.2021
Аилахәыра "Система" адиректор Дмитри Ҳалбад
"Аинтерес аадырԥшит ДЖәРи ЛЖәРи руааԥсыра. Дара ркомандақәа атурнир "Система Cup 2021" иалахәын. Иҟалап макьаназ англиатәи апремьер-лига аҩаӡара ҳамамзар, аха зегь ҳнапаҿы иҟоуп", - иҳәеит иара.

Ашьапылампылтә сезон анҵәамҭазы аамҭакала ахәмаррақәа ирыхәаԥшит х-нызқьҩык рҟынӡа.

"Аспорттә хәмаррақәа дырбалатәуп, ауааԥсыра рзы аспорт акраҵанакуа иҟаларц. Аспорт ауаҩы ԥхьаҟа дагоит, деиҿнакаауеит" , - иҳәеит иара.
Дмитри Ҳалбад ашьапылампыл дырбара адагьы аилахәыра аспорттә канал аартра азыԥхьагәанаҭоит ҳәа еиҭеиҳәоит.
Апресс-конференциа алахәылацәа ашьапылампылтә турнир "Система Cup" ԥхьаҟагьы ацҵара ишазыхиоу рҳәеит.
Ажәабжьқәа зегьы
0
Раԥхьа аҿыцқәаРаԥхьа ажәытәқәа
loader
АЕФИР АҾЫ
Заголовок открываемого материала
Жәларбжьаратәи
InternationalEnglishАнглыз бызшәаMundoEspañolАиспан бызшәа
Европа
DeutschlandDeutschАнемец бызшәаFranceFrançaisАфранцыз бызшәаΕλλάδαΕλληνικάАбырзен бызшәаItaliaItalianoАиталиа бызшәаČeská republikaČeštinaАчех бызшәаPolskaPolskiАполиак бызшәаСрбиjаСрпскиАсерб бызшәаLatvijaLatviešuАлатыш бызшәаLietuvaLietuviųАлитва бызшәаMoldovaMoldoveneascăАмолдав бызшәаБеларусьБеларускiАбелорус бызшәа
Алада Кавказ
ԱրմենիաՀայերենАерман бызшәаАҧсныАҧсышәалаАԥсуа бызшәаХуссар ИрыстонИронауАуаԥс бызшәаAzərbaycanАzərbaycancaАзербаиџьан бызшәа
Ааигәа Мрагылара
Sputnik عربيArabicАраб бызшәаTürkiyeTürkçeАҭырқә бызшәаSputnik ایرانPersianФарсиSputnik افغانستانDariДари
Агәҭантәи Азиа
ҚазақстанҚазақ тіліАҟазах бызшәаКыргызстанКыргызчаАҟырӷыз бызшәаOʻzbekistonЎзбекчаАузбек бызшәаТоҷикистонТоҷикӣАҭаџьықь бызшәа
Мрагыларатәии Алада-Мрагыларатәи Азиа
Việt NamTiếng ViệtАвиетнам бызшәа日本日本語Аиапон бызшәа中国中文Акитаи бызшәа
Алада Америка
BrasilPortuguêsАпортугал бызшәа