АҞӘА, ажьырныҳәа 11 – Sputnik. Аекологиазы аҳәынҭқарратә еилакы агидрометеорологиа аҟәша адырра ҟанаҵоит Аԥсны атәылауаа ишәшьу амшқәа шырзыԥшу, аамҭа-аамҭала ақәеи, ақәаба-сабааи, аси леир шалшо.
Аҳауаԥхарра лаҟәуеит ҳәа азгәаҭоуп.
Амчыбжь анҵәамҭазы ҭыԥқәак рҟны уахынла аҳауаԥхарра -2 - 4°С рҟынӡа илеир алшоит.
Атмосфератә қәыӷәӷәара ҭышәынтәалам.
Аԥшаласра ӷәӷәаӡам, секундк ала 2-7 метра, ҭыԥқәак рҿы 11, 16 метра рҟынӡа иҟалоит.
Уахынла аҳауаԥхарра - +2°С +7°С, ҽынла +5°С +10°С.
Амшынӡы аҟәандара - 10°С, 11°С.
Амшынеисра - 2-5 балл.
Аҳауа ацәаакыра - 70-90%.