АҞӘА, ажьырныҳәа 12- Sputnik. Ииасыз аԥсшьарамшқәа рыҩнуҵҟа Краснодартәи аҳәаахьчаҩцәа аҳәынҭқарратә ҳәаа ахысраан иааныркылеит афедералтә, жәларбжьаратә, аҳәынҭқаррабжьаратә шьҭазаара змаз быжьҩык ауаа. Абри атәы аанацҳауеит аусбарҭа апресс-маҵзура.
Аушьҭырҭатә ҭыԥ "Адлер" апаспорттә гәаҭара аан даанкылан афедералтә шьҭазаара змаз аҳәаанырцәуаҩ.
1989 шықәса рзы ииз ахаҿы ишьҭан Ростовтәи аобласт аҿы имҩаԥигаз ақәыларазы.
Ацәгьоуҩы иахәҭоу аусбарҭа даҭоуп анаҩстәи апроцессуалтә уснагӡатәқәа рымҩаԥгаразы.