АҞӘА, ажьырныҳәа 15 - Sputnik. Атәымцәеижьҿагылара змоу мамзаргьы аҿкчымазара зыхьуа шықәсык аҽҳәара змоу COVID-асертификат роуеит ачымазара рыхьхьеит ҳәа. Абри атәы аҩуеит РИА Новости Урыстәыла аԥыза-аминистр ихаҭыԥуаҩ Татиана Голикова лҳәамҭа шьаҭас иганы.
"Атәымцәеижьҿагыла змоуи аҿкчымазара зыхьуеи шықәсыктәи асертификат роур ҟалоит", - ҳәа лҳәеит Голикова ахәаша имҩаԥысыз абрифинг аҟны.
Иара убасгьы иазгәалҭеит, макьана ишыҟам акоронавирус аҟынтәи алаҵа азын еицызхарҵаз асертификат. Аҳәаанырцәынтәи иааз Урыстәыла атәымцәеижьҿагылараз атест арҭар рылшоит, уи змоу шықәсыбжак аҽҳәара змоу асертификат роуеит.