АҞӘА, ажьырныҳәа 17 – Sputnik. Шьамтәылатәи Арабтә Республикаҿы иҟоу Аԥсны Ацҳаражәҳәарҭаҿы хара имгакәа аконсултә ҟәша аартра ахәҭоуп ҳәа иҳәеит Шьамтәыла иҟоу Аԥсны азинмчнагӡа змоу ацҳаражәҳәаҩ Баграт Хәытаба Аԥсны адәныҟатәи аусқәа рминистр Инал Арӡынба даниԥылоз.
Инал Ардзинба и Посол Республики Абхазия в Сирийской Арабской Республике Баграта Хутаба
© Foto / Министерство иностранных дел РА
Аиԥылара мҩаԥысит Аԥсны адәныҟаполитикатә усбарҭаҿы.
Хәытаба иара убасгьы далацәажәеит Ацҳаражәҳәарҭа имҩаԥнаго аусура, аиқәшаҳаҭрақәа рынагӡашьа, аекономикатә, ахәаахәҭратә, аҭҵаарадырратә, атехникатә, акультуратә усеицуразы аԥсны-шьамтәылатә еилакы аусура ртәы. Аминистр иирдырит атәылақәа рыҩбагьы аинтерес ззеицрымоу аԥшьгамҭақәа.